For vertskap

Ei sanseleg og fagleg vandreutstilling for bibliotek, kulturhus og andre formidlingsarenaer

Reinkula er ei mobil utstilling som gjer villreinen levande gjennom lyd, illustrasjonar, rom og forteljing. Ho er utvikla for vertskap som ønskjer å formidle natur, kultur og fjellkunnskap på ein måte som er både vakker, konkret og engasjerande.

Utstillinga passar for bibliotek, kulturhus, museum, festivalar, naturinformasjonssenter og kommunale kulturavdelingar. Ho kan stå i små og store rom, og blir tilpassa kvar arena ho besøker.