Bilete, form og ord

Reinkula

Design og tillaging: Anders Dalseg

Illustrasjonar og tekst: Ragnhild Bjåen

Illustrasjonar: Anne Lene Willemsen

Ragnhild Bjåen er prosjekteigar for Fjellrein og idèhavar i dette

prosjektet. Tanken om ei vandreutstilling starta i tidlegare samarbeid

med Tove Hertzberg, etter arbeid med boka «Der reinen går er jorda

freda», ulike skuleopplegg og utstillinga i Kulturbua Fjellrein.

Tanken var å lage ei utstilling som kunne vandre mellom

villreinkommunar, gje kunnskap og oppleving, skape engasjement

og knyte band.

 

Fjellrein sin visjon er å gje kunnskap som går til hjarta. Med å bruke

formidlingsmåtar som gjer andre opplevingar, som verkar på andre

sansar.

 

Ragnhild er oppvaksen og busett på Bjåen øvst i Setesdal, med

sterke røter i tamreindrifta i Setesdalsheiane og gardsdrift og

naturbruk i villreinområda Setesdal Vesthei og Setesdal Austhei.

Bakgrunnen gjer at ho brenn for å formidle kunnskap om både natur

og kulturhistorie knytt til fjellområda.

 

Sambuar til Ragnhild, Anders Dalseg, er bygningsvernar og arbeider

med trearbeid på Setesdalsmuseet. Han vart kopla på prosjektet.

Idèen hans var å lage ei «kule» i tre som symbol på vandring, årstider

og jorda.

 

Etterkvart kom biletkunstnar Anne Lene Willemsen også inn i

prosjektet. Hennar engasjement om natur og økologi kjem til syne i

detaljerte og naturtru illustrasjonar.

Både Ragnhild, Anders og Anne Lene har studiebakgrunn frå NMBU,

tidlegare Norges Landbrukshøgskule innan natur, naturbruk, biologi

og økologi. Dei har også alle tre utdanning i pedagogikk og erfaring

frå undervisning, og driv med formidling i det daglege.